Deboriada plü saurí: comunité energetica
Comunites energetiches: cösc n tru por gestí miú le cost alt dl'energia. Ince tla Val Badia ôn mëter sö na te comunité.
Le prisc dl'energia é jü sö cotan, de i sciampé ne vara nia - o nia daldöt. Ince tal Südtirol vëgnel proé da smendrí l'efet de cösc aumont co á gaujes n bona pert internazionales y ch'an ne sciafia porchël nia da enfluenzé.
Resposta al prisc alt
Na resposta al cost dl’energia, ala crisa climatica y ala sostenibilité é les comunites energetiches: uniuns danter i zitadins por cherié y adoré energia renovabla. Na rëi de destribuziun n'á na compagnia energetica nia, an tól ennant l'energia dla gran destribuziun desco dl’Alperia, mo sorapró valorisëion les ressurses locales renovables y contribuësc ensciö ala müda tla produziun de energia - con n efet ince sön la stabilité dal prisc. Plü energia renovabla ch'an á, manco ch'an adora energia da fontanes fossiles, y manco che le prisc vën arvenü dal prisc de cöstes energies.
L'intenziun: na comunité energetica tla Val Badia
La Cassa Raiffeisen Val Badia ô daidé costituí na comunité energetica y á porchël envié a serades publiches por splighé la cossa y odëi la reaziun da pert dla popolaziun. La reaziun é stada bona, dij Jonas Clara dla Cassa Raiffeisen Val Badia.
Do les enforamziuns aran spo i vari concrec por na comunité energetica.